ֆրանչիսկոս Պապի Մեքսիքօ այցելութեան առթիւ` Մեքսիքոյի եկեղեցւոյ վիճակագրութիւնը։

(Ռատիօ Վատիկան) Ուրբաթ` 12  Փետրուարին Ֆրանչիսկոս Պապ սկիզբ տուաւ իր քահանայապետութեան 12-րդ առաքելական ճամբորդութեան որ զինք կ՛առաջնորդէ Մեքսիքօ` 12 -18 փետրուար 2016։

Մեքսիքոն ունի 1.958.201 քմ քառակուսի տարածութիւն եւ  119 միլիոն 713 հազարէ բաղկացած բնակչութիւն, որուն 110 միլիոնը կաթողիկէներ են։

Մեքսիքոյի Եկեղեցին կազմուած է 95  Եկեղեցական գաւառներէ ուր կը գործեն  7.165 ժողովրդապետութիւններ եւ 5.786 Հովուական կեդրոններ։

Մեքսիքոյի Եկեղեցւոյ եպիսկոպոսական համահաւաք դասը ունի 176 Եպիսկոպոսներ։ Թեմական քահանաներու թիւն է 12.931, մինչ կրօնաւոր քահանաներու թիւը 3.965։  Քահանաներու ընդհանուր թիւն է 16.896։

Մեքսիքոյի եկեղեցւոյ մէջ ծառայութիւն կը մատուցեն 1﹒908 մնայուն սարկաւագներ եւ 305.569 Եղբայր կրօնաւորներ։ 

Մեքսիքոյի Եկեղեցւոյ հովանաւորութեան ներքոյ կը գործեն զանազան դաստիարակչական կեդրոններ որոնց շարքին 12.931 դպրոցներ,  5.609 մանկամսուրներ, 2.328 վարժարաններ, 382 համալսարաններ։

Եկեղեցին կը հովանաւորէ նաեւ բարեսիրական ու ընկերային կեդրոններ որոնց շարքին 197 հիւանդանոց, 1,471 խնամատուն, 311 ծերանոց, 383 որբանոց եւ 1998 քահանայական կոչումներու կենդրոն։